హిందూ మతంలో తులసి మొక్కకు చాలా ప్రాముఖ్యత ఉంది. ప్రతి హిందూ ఇంటి ప్రాంగణంలో ఖచ్చితంగా తులసి మొక్క ఉంటుంది. అంతే కాదు తులసి మొక్కను అమ్మవారిగా భావించి పూజిస్తారు. ప్రతిరోజు ఉదయం నీరు పోస్తారు.ఒక్కోసారి ఎన్ని జాగ్రత్తలు తీసుకున్నా ఈ మొక్కలు ఎండిపోతాయి. కాబట్టి ఈ రోజు మనం మీ ఎండిన తులసికి జీవం పోసి పచ్చగా మార్చే హోం రెమెడీని తెలుసుకుందాం...
మీ వంటగదిలోని మసాలా దినుసుల్లో ఉండే ఓ మసాలా.. తులసి మొక్కకు కొత్త జీవితాన్ని ఇస్తుంది. ఈ మసాలా అనేక ఆయుర్వేద ఔషధాలతో పాటు ప్రతి కూరగాయలు ఆహారంలో ఉపయోగించబడుతుంది. ఈ సుగంధ ద్రవ్యం పేరు పసుపు. పసుపును సాధారణంగా కూరలు, పప్పు చేసినప్పుడు మనం వాడుతుంటాం. పసుపు వంటకు రుచితో పాటు.. మనకు ఆరోగ్యం కూడా అందిస్తుంది. అయితు ఇది మొక్కలకు కూడా ఎంతో ఉపయోగకరంగా ఉంటుందని నిపుణులు చెబుతున్నారు.
మొక్క ఎదుగుదలకు పసుపు ఎంతో మేలు చేస్తుంది. మొక్క నేల ఎండిపోతుంటే, పసుపు పొడిని జోడించండి. దీని వల్ల నేల సారవంతంగా మారుతుంది. ఎండిపోయిన తులసి మొక్క మొదట్లో పసుపు కలిపితే మళ్లీ ఆకుపచ్చగా చిగురు వస్తుందని వ్యవసాయ నిపుణులు చెబుతున్నారు. పసుపు మొక్కలకు క్రిమి సంహారిణిగా పనిచేస్తుంది. తులసి మొక్కలో పురుగులు ఉంటే పసుపు వేయాలి.
వేసవి కాలంలో తులసి మొక్కలపై చీమలు దాడి చేస్తాయి. కాబట్టి పసుపును ఉపయోగించడం ద్వారా మొక్కను రక్షించవచ్చు. మీరు దాని ఆకులపై పసుపు నీటిని పిచికారీ చేయవచ్చు . మూలాలకు పసుపు పొడిని జోడించవచ్చు. దీంతో చీమలు పారిపోతాయి. మీ మొక్కలు కూడా కాపాడుకోవచ్చు.
